里爾訪巴黎和氣生財

港陌

21/05/2011
文： 牛奶仔

今晚法甲重頭戲，榜首里爾作客巴黎聖日耳門，里爾只要攞1分就可以重奪聯賽冠軍，不過聖日耳門喺主場出戰始終有威力，既然兩軍半斤八両，一於冷吼3.2倍和！（now634台周日凌晨3:00直播）


里爾拎1分即封王


里爾周中以1:0險勝索察全取3分，家陣領先第2位嘅馬賽6分，剩低兩輪聯賽只要拎1分，就可以自1954年後再次稱霸法甲。事實上，里爾最近5連勝，氣勢的確好勁，不過大家咪忘記里爾上次喺中立場對巴黎聖日耳門，最終只係小勝1球，可見兩軍實力相差唔遠，今鋪要去到巴黎作客，未必贏硬噃！




睇番聖日耳門啲往績，呢班波近3場聯賽拎得2分，狀態一般，家陣佢哋落後「3哥」里昂2分，要爭踢來屆歐聯真係好抿水。好在，聖日耳門勝在主場夠硬淨，佢哋喺地頭出戰已連續保持18場不敗，加上佢哋近6次喺主場迎戰里爾未輸過，要聖日耳門保住不敗，唔過分啫。