賠率有路捉：隔夜P飛光芒四射

港陌

　　噚日睇飛，除咗第六場之外，其他七場大熱門一度落喺一檔馬身上，唔通暗示檔位偏差會好大？都係拖番票穩陣。

　　第五場四班1650米，「光芒四射」季內跑得三場，唔多唔少同右腳成日受傷有關，久休後兩仗，投X者都係抱持觀望態度，最後賠率一次比一次冷，四月尾一役都仲有14倍，翌仗已經回到29倍。雖然畀人冷落，但係佢冇洩氣，跑得仗比仗好，前仗輸四個多馬位，上次已經拉近距離，輸個幾馬位而已。佢呢股毅力加埋今次個三檔，終於惹人注意，呢鋪隔晚W飛曾落到5.8倍，P飛更誇張，一度得1.8倍成為大熱門。既然萬事俱備，係時候威番次。

其他騎師有安國倫抵玩

　　騎師王方面，大家預咗今晚可能會爆冷，事關賠率表頭八名騎師表面勢均力敵，但最熱嗰個都爾都有7倍，好危險吓。如果博，其他騎師值得一試，因為安國倫今次都屬於其他騎師，佢手執五匹馬，四匹W唔過10倍，抵博。

周仲