威爾斯積弱難敵蘇格蘭

港陌

25/05/2011
文： SAMVO肥叔

歐洲主流聯賽球季結束，嚟緊陸續有國際熱身賽舉行，經過整個賽季後，唔少球員已經有厭戰情緒，球隊作戰態度成疑，投X價值唔算特別高。呢類賽事攞嚟吊下波癮都ok，但切忌大注買落去搏殺，否則隨時出事。




講番今次推介，威爾斯於中立場愛爾蘭對蘇格蘭！威爾斯近年雖然出咗加里夫巴利同艾朗藍斯等新星，但整體水平並冇明顯提升，佢哋始終積弱太耐，仍然需要好多時間再執。蘇格蘭勝在實而不華，踢落夠晒硬淨，對住頂級球隊可能唔夠打，但遇着威爾斯呢類次級對手綽綽有餘，讓波一樣捧得過。 （周四凌晨2時45分開賽）


艾薩德戰意鮮明


另外，亞冠盃十六強開波，肥叔推介一場畀大家參考，卡塔爾球隊艾薩德主場對沙特大軍艾沙比，卡塔爾近期受到世盃賄選醜聞困擾，佢哋好想喺亞洲頂級賽事揚威洗底，艾薩德踢落有板有眼，今次主場出擊可以秤先。另外，波琴首回合獲大戶大力捧場，反映班菠菜專家睇得佢哋幾高，今次返主場對慕遜加柏，平手盤亦可一試。


肥叔心水


艾薩德　　上盤




波琴　　平手盤




蘇格蘭　　上盤