失意亞冠鯨魚捉黃蜂出氣

猪拉多纳

29/05/2011
文： SAMVO肥叔

今次繼續同大家研究日職，睇番今屆亞冠盃賽事，多支日職球隊先後出局，反映當地聯賽水平稍有下跌。事實上，名古屋鯨魚上季雖然贏到聯賽冠軍，但打落明顯缺乏霸氣，出到亞洲賽事唔多夠踢，最終輸波出局。




不過，名古屋鯨魚返到國內回復惡氣，今周主場對魚腩福岡黃蜂贏得！日職同日乙水平差距唔算非常大，以往啲升班馬未至於冇得打，但黃蜂踢落真係唔多掂，開季七場聯賽輸晒，明顯停留喺日乙水平，球員已經踢到冇晒信心，各界莊家全面調低球隊評級，今次作客頂級球隊鯨魚惡唔出樣，預計鯨魚可大勝一場。




（周日下午３時開賽）


櫻花未開齋難贏松鼠


同日大阪櫻花主場對大宮松鼠，論人腳同級數，櫻花當然喺對手之上，早前仲於亞冠盃擊敗大阪飛腳晉級。不過，呢班波今季喺聯賽頭頭碰着黑，至今六戰未贏過，今次對住大宮松鼠仍然讓得多，實在唔多合理，呢場可博松鼠不敗。（周日中午12時開賽）




另外，優先推介周一英冠附加賽，肥叔一早睇好雷丁可以殺入總決賽，呢班波似足之前隊黑池，季尾勢頭好勁，雖然史雲斯都唔錯，但未必夠砌，依家開緊平手盤，梗係捧雷丁啦。


肥叔心水


大宮松鼠下盤

川崎前鋒平手盤

名古屋鯨魚上盤

國際米蘭上盤

雷丁平手盤