葡萄牙強攻挪威追大

港陌

04/06/2011
文： 樂比堅尼

歐洲國家盃H組外圍賽上演榜首大戰，由葡萄牙主場對挪威。葡萄牙由應屆歐洲金靴獎得主基斯坦奴朗拿度（C朗）領軍，拿尼及魯爾梅利斯等攻擊主力都有入選，但挪威要保住榜首位置，唔會任葡軍亂嚟，始終葡萄牙防守唔算穩陣，今場一於捧大盤。 （有線61及64台周日凌晨4時直播）




葡萄牙名氣大，全因為全球身價最高球星C朗帶挈，其餘球員唔係冇實力，但總之擺埋一齊就好似唔係好work。葡軍近年國際賽成績麻麻，兩年前世界盃外圍賽幾經辛苦先晉到級，依家歐國盃外圍賽都係排第二，落後榜首挪威三分，照形勢睇，即使葡萄牙今仗有主場之利，三分亦唔係穩袋。


4:4和塞浦路斯有辦睇


事實上，葡萄牙攻擊力係唔錯，C朗、拿尼同魯爾梅利斯都獨當一面，但防線問題係葡萄牙致命傷，四場外圍賽就合共失咗七球，連弱旅塞浦路斯都可以喺佢哋身上入到四粒，就知葡萄牙真係唔係想像中咁好。




既然係咁，今場不妨捧大盤，事關挪威攻力唔錯，四場外圍賽場場有波入，當中包括首循環主場贏葡萄牙，所以挪威今場作客唔係冇還擊之力，兼且葡軍上兩次外圍賽主場對丹麥及塞浦路斯都開大盤，今場一於再追。