巴塞青訓傲視全球

港陌

04/06/2011
文： 黃興桂

歐聯落幕，巴塞隆拿贏冠軍絕對實至名歸，正如曼聯領隊費格遜所言，呢支巴塞係佢有生以來遇過最強嘅對手，三年間兩次喺決賽俯首稱臣，唔到費Sir唔服！Peter大膽估計，巴塞喺未來十年可以繼續稱霸歐洲，因為佢哋嘅青訓實在冇人能及。




一支足球隊，最大資產並非乜乜天價球星，而係一班青訓產品至真！巴塞隆拿多年來重視青訓，花長時間及資源去培訓新血，加上聘用一流教練，令年輕球員喺最佳嘅環境內成長，就好比一群努力嘅農夫，每日不辭勞苦落田耕種，最終得益嘅都係自己。除青訓外，巴塞另一成功之處就係隊內甚少「問題球員」，大家都好有職業道德，唔會喺場外搞搞震鬧醜聞，畀傳媒有機會炒作影響軍心。呢種專業態度，真係值得所有職業球員去效法。


博英軍贏瑞士兩粒


講番今晚賽事，最矚目必數歐國盃外圍賽G組賽事，英格蘭對瑞士。英格蘭喺卡比路調教下，防守力非常之強，四場外圍賽僅失一球，Peter認為「三獅兵團」今場可以續保不失，但主勝賠率乏味，建議博2:0波膽。至於B組三強鼎立，估計俄羅斯、愛爾蘭及斯洛伐克今輪均可以齊響勝鼓。




獨一無二「金句王」，現職有線足球評述員，擁躉眾多。見多識廣、笑看人生，我行我素畀波風格，喺省港澳極受歡迎。




是日金句：巴塞演出王者風範，的確as good as it gets！