美國剝牙為金盃造勢

港陌

04/06/2011
文： 自由恒

今屆歐洲國家盃外圍賽嘅其中一個改動，就係由上屆嘅7組增加至9組，每組隊數大減，每隊比賽場數亦由最多嘅14場減至最少嘅8場，一旦犯錯就幾難翻身再追，不過咁樣卻迫使列強使出真功夫，德國、荷蘭及西班牙都取得全勝。


西班牙遊埠決心不足


雖然賽程簡化，但國際賽期未有因應減少，一眾列強毋須畏首畏尾，有更多空檔跨洲份掘金，冇後顧之憂理應可以踢場好波，但睇番戰績，無論係歐洲定係南美班霸，去得愈遠就愈大鑊，葡萄牙兩次去南美洲都要輸，新近就有阿根廷喪師尼日利亞。




至於世界冠軍西班牙盃賽就威到盡，但熱身賽就例冇好嘢，去年亦曾作客大敗畀阿根廷。今次去到美國，即使冇咗沙維同佩奧爾，都仲有大量星級球員壓陣，論人腳好似信得過，但來自巴塞同皇馬的巨星搏足一季，要求佢哋跨越大西洋後繼續搏，似乎係不切實際，反觀美國近排戰績一般，極需要一場勝仗為稍後舉行嘅金盃一壯聲勢，受讓要2.05倍「讓球主勝」。（開賽時間：周日凌晨4:30）


Battle精選


足球重心：美國（讓球主勝）




馬膽推介：S1-4 10 獨唱會




今晚直播葉森打吡，焦點馬「嘉登行宮」上仗打足一條直路先至贏，未算證明太多，卻因馬主係英女王而偏熱，實在相當唔抵，反而第三勢力「獨唱會」不斷於級際賽有好表現，配上大賽騎師范義龍值得尊重。