澳洲弗爆炒起新西蘭

猪拉多纳

05/06/2011
文： Combo King

周日仍然有國際熱身賽舉行，其中一場由澳洲主場對新西蘭。今年澳洲表現出色，連同亞洲盃及熱身賽都未輸過，最近一場仲成功擊敗歐陸強隊德國，表現可謂有板有眼。本身對新西蘭打法亦相當熟悉，相信今場可以輕鬆取勝，「讓球主勝」可優先留意。 （周日下午3時30分開賽）




亞洲足協成員國澳洲，以前喺大洋洲可謂惡到打橫行，新西蘭當然擋佢唔住。而見今次澳洲大軍名單中都有唔少外流球員，包括名古屋鯨魚約舒亞堅尼地、比勒費爾德維度錫及米杜士堡拉斯威廉斯。雖然唔係最頂級球員，但面對新西蘭已綽綽有餘。至於客軍新西蘭已有多場未能取勝，始終實力有限，好難對主隊構成太大威脅。實在近年新西蘭對住澳洲都係輸多贏少，預期今場會開出正路賽果，澳洲可以放心捧場。


法林明高山度士贏得


另外巴甲法林明高主場對哥連泰斯，主Ｗ可望開出。法林明高最近一次主場就大炒艾華爾四比○，攻力十足可令哥連泰斯吃苦頭。而對賽往績方面哥連泰斯近四次作客法林明高都輸，法軍今次再贏唔出奇。最後山度士主場對艾華爾，同樣選擇主Ｗ。山度士成功打入南美自由盃決賽，球員士氣及信心被推至巔峰，好值得繼續追捧。艾華爾近期無論在巴西盃及巴甲都交唔到好成績，作客更難信任。