吾係波牛：細哨交足貨捧法林明高

猪拉多纳

05/06/2011
文： 牛奶仔

今晚深夜巴甲上演重頭戲，有朗拿甸奴坐鎮嘅法林明高會喺主場出擊，迎戰開季兩戰全勝嘅哥連泰斯，有望憑主場之利延續絕佳對賽往績，一於敲1.92倍主勝。（開賽時間：周一凌晨3:00）


哥連泰斯往績輸晒


朗拿甸奴今年回歸巴甲轉投法林明高後，先喺季前以隊長身份帶領球隊贏得州聯賽冠軍。近期「細哨」更愈踢愈有，開季兩場聯賽都有波入，可見狀態非常之好。可惜法林明高上場作客新升班巴希亞，慘被逼和3:3痛失2分，今次返番主場出擊定必全力爭勝。中場堤亞高尼夫斯今晨代表完巴西對荷蘭踢熱身賽，預料未必趕及歸隊出戰今仗，但主隊其餘主力悉數在陣，整體實力未受太大影響。




哥連泰斯雖然開季兩連勝，但兩場都係煲魚生粥僅勝1球，表現未夠說服力。哥連泰斯同主隊一樣，季前同樣簽入前國腳級嘅外流球員阿祖安奴，但此子未開季已因傷長抖，加上秘魯中場路爾斯拉美利斯又被徵召踢國際賽，同樣無法上陣。再睇埋對賽，哥連泰斯對上4次作客法林明高通通輸晒，夾埋更只入得1球，咁好路數梗係要捧主隊啦！