巴西盃決戰華斯高頂得住

港陌

08/06/2011
文： 自由恒

美洲金盃首日正路到爆，墨西哥同埋哥斯達黎加幾乎開埋主其他，隨即引發各大球迷跟風掘金，次日兩隊唔算好有能力嘅熱門牙買加同埋洪都拉斯都瘋狂落飛，結果1勝1和，證明玩金盃係唔可以盲目跟風。




雖則話金盃來來去去都係墨西哥同美國嘅天下，但由於分組賽對手實在太弱，加上小組第三亦有機會晉級，根本冇必要場場去盡，睇番近3屆金盃分組賽成績，只係得2007年嘅美國試過3戰全勝，不過都唔係場場贏盤，所以之後都唔好對列強有太大嘅期望。


聯賽出副選先至慘敗


聽朝金盃暫時休戰，焦點就落喺巴西盃決賽次回合，首回合華斯高主場贏哥列迪巴1:0，兩隊日前咁啱又喺巴甲碰頭，結果哥列迪巴主場大炒番5:1，不過華斯高剛戰正選陣容只係保留番門將費蘭度拜頓巴達，其餘10個位全部變晒，千祈咪畀大比數戰果誤導。睇番巴西盃冠軍賠率，華斯高首回合只係1球在手，都熱到得1.37倍，哥列迪巴次回合有主場之利都唔似追得番，今仗一於要1.78倍「讓球客勝」。 （開賽時間：周四早上8:50）


Battle精選


足球重心 華斯高（讓球客勝）




馬膽推介 8場9 成就美麗




雖然只係贏過泥地，但上仗跑谷草一哩遇上慢步速，所有後上馬之中只有佢能夠愈撲愈近，亦證明唔局限跑泥地，今仗增程1800兼排檔內移，有望跑得更主動，難得有分頭值得一試。