金石盟專欄：明達活力充沛

猪拉多纳

　　昨晨雨勢相當大，而且持續一段頗長時間；全朝跳馬甚多，以安、東、方、文等廐為主，不乏睇頭。

　　「明達」韋達試四百米，走勢靈巧，過終點餘勢猶強，活力十足，勇況更盛。

　　「財運」助手試四百米，落腳輕快而有力，身形線條分明，精神爽利，長期呈勇。

　　「加州財子」蔡明紹試八百米，清風送爽完成，步大力雄，饒富火氣，未見低落。

　　「勁綵」助手試八百米，何澤堯策「寶貝王子」相伴，前駒落後七八乘跟隨，逐漸縮短距離，埋門幾步衝上同到，試來點到即止，及時催起。

　　「奪錶」安國倫試八百米，助手策「騰雲駕霧」佔先乘多帶放引導，直路上均加快步伐，外檔的「奪錶」穩步上前，未分勝負，身輕步爽，近況仍然出色。

　　「福到多多」柏寶試八百米，步幅開揚有力，體格相當強健，狀態有復甦迹象。

人人醒不浮不躁

　　「人人醒」柏寶試八百米，過直路不浮不躁，腳法嫻熟，勁力增強，成熟邁進。

　　「心路」何澤堯、「清風駒」助手、「當旺」助手同試八百米，「心路」落後三四乘跟隨「當旺」，「清風駒」又落後約兩乘跟住「心路」，電算機前「當旺」受到廐侶挑戰，中間的「心路」愈追愈近，但被拉實以頭位見負，腳步硬朗，體力冇問題，操養有一手；外檔的「清風駒」輕催下有反應，與「當旺」叮噹馬頭過終點，出腳有力，朝氣勃勃，勇態持續有餘。

　　「揀得準」蔡明紹、「旺綵」助手相偕試八百米，前駒採取主動帶放，後駒亦步亦趨，內檔的「揀得準」埋門受到挑戰，奮力抗衡到底，未落下風，身壯力強，連拼未疲，殊為難得。

　　「精算拍檔」助手試八百米，從容淡定，體健神清，仍具作戰水準。

　　「肥仔糖」助手試八百米，馬身粗壯，火冒勁增，予人印象勝前。

　　「駿方」吳嘉晉試八百米，步伐整齊有力，健康情況穩定，神色亦好，靚過上賽。

　　「富貴金龍」助手試四百米，神清步爽，彈力充盈，雙目有神采，觀感甚佳。