借題發揮：子彈不夠？用人不當？

猪拉多纳

　　大摩自從95年當上練馬師冠軍之後，一隔15年才再稱王，係咪同行競爭大？呢個當然係主要問題，唔使講咁多個練馬師如何叻叻，淨係1個蔡約翰，在港開倉10個年頭，贏咗6屆練馬師冠軍。

　　至於，喺煞科日先至敗陣嘅東廐，輸最後1步冇話抵唔抵。大摩最後1期4W，完全係技術性擊倒，並唔係大家頭馬數字平頭，要數胡尾嚟贏，係有晒部署、有晒子彈嚟喺最後一步撼過，係咪技不如人？子彈不夠？用人不當？可能各佔一部分。不過，輸咗就係輸咗，不要往後望，大前提係下季告東尼喺爭逐成績方向，會唔會有轉變。

　　相信有部分馬友或會認為東廐未能成為冠軍，某程度係因過於倚重蔡明紹，呢點筆者唔會一口咬定，但蔡明紹自從升格大師傅之後，減磅少咗，功夫仔係咪同樣與時俱進？閣下已有眼見，而呢點正正係東廐成績關鍵位。

Jack