數據人生:方嘉柏谷馬醒

猪拉多纳

　　以往暑期冇馬跑，不少馬迷總覺日子特別難過；但近年馬季煞科日一再延遲外，最重要是本地幾乎日日夜夜均有波賭，難怪「全年跑馬」的傳聞已石沉大海。

　　深受港人歡迎的英超剛於上周六開鑼，但首兩日共八場賽事，居然沒有一隊主隊勝出，可見賭足球賽事時，切不能因有主場之利而盲門追捧。但在本地賽馬，跑馬地馬場卻儼如方嘉柏馬房的主場。練者開倉八季以來，近五季於谷草均交出30場以上頭馬，當中更試過於10年6月20日一日六捷，平了香港職業賽馬史紀錄。

　　當然，馬匹天生愛競跑，基本上不會只喜歡在某一個馬場角逐，而方廐馬谷草戰績彪炳，很大程度跟練者的部署有關。近三季此廐馬於谷草的上陣次數愈來愈多（見表），上季更佔方廐馬總出賽次數逾四成，加上其餘大倉較少於谷草出強陣，方嘉柏則經常派出實力馬應戰，此消彼長下，方廐谷草成績又怎會差？

歐陽志恆