華斯路伊冇料到 布拉格斯巴達玩得過

猪拉多纳

18/08/2011
文： 麥馬拿仁

另一場附加賽首回合，拿仁揸住華斯路伊嚟反！呢支羅馬尼亞球隊不但季前放走主力，一對正選中堅包括隊長加比爾簡奴都缺陣，兩大巴西中前場靈魂韋斯利及艾達頓馬田斯亦唔出得，陣容甩皮甩骨；布拉格斯巴達質高態勇，嫌讓球客勝分頭太奀，可直取客W！




（周五凌晨零時開賽）




羅馬尼亞華斯路伊唔係路，本季季前將前貝迪斯隊長李華士，以及門將古斯錫踢走，亦同唔少主力解約，擺明冇野心爭取佳績。早前歐聯外圍賽遇荷甲川迪，佢哋迫逼住用唔少後備湊夠數落場，最終兩回合一球不入輸○比二出局，已經輸得少。依家仲有兩名正選中堅缺陣，一條防線危危乎，而一雙巴西進攻靈魂，包括前熱拿亞、博洛尼亞箭頭艾達頓馬田斯，進攻中場韋斯利分別停賽同受傷無緣落場，今戰勢搵更多二打六充撐場面。布拉格斯巴達狀態托弗，本季連盃賽取得五連勝，今場作客亦力足解決對手。




另一戰瑞士杜安主場對史篤城，史篤城初登歐洲舞台，領隊佩尼斯必以穩行先唔會冒進，上圈主客兩戰夏德都開細，今場再追細盤。而安德列治季初未操弗作客攻力疲弱，今晚作客貝沙交收唔會多，同樣捧細。