羅底橙 無謂慳 加拉治大起巴素利

猪拉多纳

14/09/2011
文： 巨高

歐聯C組瑞士巴素利主場對羅馬尼亞加拉治。加拉治上季首次贏得羅馬尼亞頂級聯賽冠軍，係羅國近年冒起最快球隊，但該隊歐聯經驗嚴重不足，面對歐洲賽常客巴素利好蝕底，巨高認為大盤係投X首選。




（周四凌晨2時45分開賽）


巴素利入得失得


加拉治好清楚自己位置，唔敢對歐聯有太大期望，所以佢哋今季志在吸收大賽經驗，為球隊未來發展打好基礎。加拉治陣中九成都係土炮球員，稍為值得留意係秘魯外援丹尼爾查維斯，雖然球隊擺明實力有限，但巨高亦唔敢過分睇死加拉治，事關前屆歐聯羅馬尼亞亦曾爆出另一「UFO」烏尼雷亞，烏軍當時於分組賽表現不俗，曾作客四比一大勝格拉斯哥流浪，最終僅以一分之微落後史特加出局，以第三名轉戰歐霸盃。




巴素利相對下名氣大得多，歐洲賽經驗亦豐富，教練係前拜仁慕尼黑中場芬克，陣中擁有阿歷山大費爾、馬高史達拿及曉高等前度或現役瑞士國腳，計質素一定好過加拉治。不過瑞士球隊出名入得失得，今場可勝不穩，捧大盤最啱。