羅馬採錫好頭又好尾

猪拉多纳

22/09/2011
文： 巨高

意甲快車檔期最後一場比賽，由羅馬主場對錫耶納。今季幾支名牌都踢唔出預期水準，羅馬就係其中一隊。教練安歷基為保飯碗，今場可謂非勝不可。實在錫耶納弱得緊要，前場球員完全畀唔到對手壓力，今場好難威脅到首都球隊，料羅馬可以由頭贏到落尾，巨高推介半全場吼「主主」。




（now 633周五凌晨2時45分直播）


錫耶納注定要護級


羅馬自由美國老闆接手之後，無論球迷及高層都對今季有好大期望。點知歐霸盃外圍賽出局，兩場意甲都未贏過，教練安歷基背負沉重壓力，極需要一場勝利去緩和緊張局勢。之前想將球隊「巴塞化」嘅工程，安歷基都會放埋一邊，等到球隊贏波上番軌道先再講。




對手錫耶納只係護級分子之流，剛啱喺周日主場出擊都踢唔出氣勢，最終以○比一不敵祖雲達斯。今次錫耶納冇埋主場幫助，相信情況必定更糟，呢個「半主全主」應該冇走雞。