撐格羅寧根90分鐘頂得住

猪拉多纳

22/09/2011
文： 走肖

阿爾克馬爾今晚喺荷蘭盃第2圈主場對格羅寧根，不妨試吓冷敲2.85倍「讓球客勝」。雖然阿爾克馬爾6連勝贏到開巷，不過格羅寧根救兵大衞泰克斯剛戰首次上陣，即刻帶挈班波砌低精英隊重響勝鼓，睇落唔似會任人魚肉，有條件爆冷90分鐘頂得住唔輸 。




（開賽時間：周五凌晨2:45）


阿爾克馬爾Hea踢荷盃


勢估唔到阿爾克馬爾賣走射手史基賀臣、中場赫達摩蘭奴後表現仲生猛，最近聯賽連歐霸盃連贏6場，新加盟嘅美國前鋒艾迪杜里更加不斷入波，但唔好忘記，前屆阿爾克馬爾喺第2圈對阿積士青年隊、第3圈對史帕肯堡都唔能夠喺90分鐘解決對手，證明踢荷蘭盃心態勁Hea。




格羅寧根方面，射手馬達夫斯喺轉會窗關閉前被賣到燕豪芬，固然削弱佢哋嘅攻擊力，但其實格羅寧根已收購咗迪芬沙士砵亭前鋒大衞泰克斯補充實力，佢搞掂工作證後，剛戰格羅寧根即刻喺打吡戰贏精英隊2:0反彈，正選上陣嘅大衞泰克斯雖然冇波入，表現依然得到傳媒認同，有佢幫手格羅寧根捧得過。