鯨魚發火大起勝利船

猪拉多纳

23/09/2011


今日屬日本秋分節，當地人有假放，日職都有特別場舉行。聯賽尚餘八周，頭四位只有四分之差，爭持非常激烈，衞冕球隊名古屋鯨魚連續兩場失分，今日回師主場必定狂攻神戶勝利船，捧大！




（周五下午1時開賽）




鯨魚近期經歷魔鬼賽程，最近個零月先後作客大阪飛腳、柏雷素爾及鹿島鹿角等實力分子，結果一場都贏唔到，但現時僅落後榜首球隊大阪飛腳四分，仲有得追。不過，鯨魚現時後防欠穩，連續六場有失波，幸好大軍火力強勁，大可以攻代守。




勝利船近三戰兩度於主場淨吞四蛋，後防立立亂！球隊失波後谷得太前，畀對手有機可乘，加上現時護級壓力唔大，於聯賽又冇乜目標，球員踢落鬥志麻麻。不過，勝利船始終擁有高質射手大久保嘉人，要於鯨魚身上士哥唔難，今場簡簡單單玩大啦！


山神護級強搶櫻花


同日大阪櫻花主場對山形山神，櫻花目前於聯賽高不成、低不就，矛頭已直指亞冠盃賽事，大軍下周中要硬撼韓職勁旅全北汽車，難以集中精神應付今場比賽。山神落後安全線八分，要盡人事護級，戰意更勝對手，有機會作客爆冷搶分，可博「讓球客勝」。