到訪「地獄」曼城要做心理輔導

猪拉多纳

22/11/2011


唔少阿根廷人都對拿玻里相當熟悉，原因當然同馬納當拿有關。拿玻里嘅聖保羅球場，更被阿根廷人視作聖地，到意大利旅行的話一定要入場參觀。而今場曼城有兩名球員就會親臨聖保羅球場「朝聖」，佢哋係薩巴列達以及球王女婿阿古路。為應付呢個咁特別嘅主場，領隊文仙尼幾名副練如沙辛奴、林巴度及迪馬堤奧都會為球員作心理輔導，以適應拿玻里嘅地獄主場。


文帥預咗嘈到拆天


聖保羅球場聲勢浩大，震耳欲聾嘅吶喊及樂器聲響，經常嚇到作客球員腳仔軟。今季已曾令AC米蘭、維拉利爾及拜仁慕尼黑失分。為免主場聲勢影響到阿古路以及其他球員，意甲經驗豐富嘅領隊文仙尼賽前就交代清楚聖保羅球場有乜嘢特點，希望球員有心理準備。只要專心比賽，唔好理會看台就冇事。