賓菲加迷失英倫

猪拉多纳

22/11/2011


賓菲加本季戰績一流，歐聯作客特拉布宗、川迪、加拉治同巴素利，錄得兩勝兩和，今次造訪奧脫福應有一定信心。不過賓菲加歷史上十二次作客英格蘭球會成績低落，僅得三勝九負劣績，敗率高達七成五。




而賓軍對上三次作客曼聯亦全軍盡墨，最近一次去到奧脫福輸波係06年歐聯賽事，當時尼曼查維迪、傑斯、沙夏各建一功，紅魔鬼贏三比一。另外，賓菲加兩次於溫布萊球場踢歐冠盃決賽都失落冠軍，對手分別係AC米蘭（1963）同曼聯（1968）。