薩爾斯堡焗攻做「大」龍鳳

猪拉多纳

01/12/2011
文： 阿占

今個星期冇歐聯，不過歐霸盃一樣有好戲碼！分組賽嚟到尾二輪，F組嘅巴黎聖日耳門要出線仍然危機重重，今晚作客奧地利勁旅薩爾斯堡，主隊為晉級一定狂攻聖日耳門嘅疲弱防線，兩隊有望合演一場入球騷，玩入球大最划算。（有線64及204周五凌晨4:05直播）




薩爾斯堡依家排小組第3，落後巴黎聖日耳門3分，由於佢哋最後嗰場嘅對手只係「魚腩」施洛雲，相反巴黎聖日耳門就要硬撼畢爾包，換言之今場薩爾斯堡只要一贏，晉級機會就大增。睇嚟今晚會好好善用佢哋個人造草場，一於趁地利主動搶攻。不過講真，形勢上亦唔到佢哋唔攻。


聖日耳門教頭為帥位搏命


巴黎聖日耳門雖然和波都有着數，不過教練甘保亞利未必就咁就收貨。事關上場聯賽輸畀馬賽後，榜首位置都冇埋，有傳佢老哥會被炒魷，「肥安」安察洛堤已經等緊坐佢個帥位！家陣聖日耳門贏少一場，甘保亞利就喺炒魷之路行前一步，所以今場唔到佢龜縮求和。




其實聖日耳門本身就攻強守弱，中場馬度迪同查杜美又受傷患困擾，如果唔發揮加美路同柏斯托尼等攻擊好手嘅優勢走去玩防守，咪盞衰多兩錢重！今場好大機會同薩爾斯堡死過，入球大係不二之選。


頂占筍盤：薩爾斯堡（入球大）


有線球彩台主持阿占




電郵：soccer64@cabletv.com.hk&#8195HONE波熱線：1831 678 「球彩俱樂部」開放時間：周四晚10:30至11:45