「車房」軍刀疑雲

猪拉多纳

03/12/2011


車路士場內不濟，場外就濕滯！據《每日郵報》透露，一位清潔工人在車路士青年軍更衣室中發現一把7英寸長嘅刀，球會擔心有不法行為出現於是報警，誓要搵出誰是更衣室「帶刀郎」。




檢察官審閱泰利「歧視門」報告




事件發生後，車路士立即召回一眾使用更衣室嘅U18青年軍球員，詢問邊個係帶刀者，結果當然冇人認啦，而有知者人士指出，因為把刀似足電影Rambo用嘅軍刀一樣，令球會擔心有人計劃犯事，而警方亦已到場套取指紋。不過車路士其後發現只屬虛驚一場，原來呢把刀係一位裝修更衣室嘅承建商人員留低嘅。




至於另一單麻煩事泰利「歧視門」，警方已經將報告呈交檢察官，後者會決定是否控告泰利在對昆士柏流浪時向安頓費迪南作出種族歧視。泰利上星期就透露過，自己一直只係協助警方調查，未有被拘捕。