艾斯柏蘭斯蒙特雷大騷娛賓

猪拉多纳

14/12/2011

世冠盃第五名之爭，由墨西哥球隊蒙特雷對突尼西亞球隊艾斯柏蘭斯，今場比賽象徵性質多於實際意義，雙方都冇心理包袱，可以盡情表演悅目進攻足球，預料會出現唔少入球，投X首選入球大。


（今日下午3時30分開賽）


蒙特雷喺複賽面對東道主柏雷素爾，戰至互射十二碼落敗，可謂欠運，來到今仗「表演賽」，正係盡情宣洩心中鬱悶嘅時候。呢支中北美霸主球員整體技術不俗，尤其係前鋒漢拔圖蘇亞素踢法具侵略性，上仗亦有一球進帳，蒙軍破門本錢充裕。


艾斯柏蘭斯上仗雖然以一比二不敵亞洲代表艾薩德，但其實表現唔錯，踢法非常進取，全場有二十次射門，比對手多十三次，控球比率近六成，但由於防守不穩，被艾薩德偷襲得手而敗陣。艾斯柏蘭斯呢種踢法未必有好成績，但甚具娛樂性，有利製造入球。值得一提，今場九十分鐘打和，立即互射十二碼分勝負，並不設加時。