富咸可破奧丹斯出線

猪拉多纳

14/12/2011
文： 車車

歐霸嚟到分組賽最後一輪，富咸、伯明翰同熱刺三隊英超球隊之中，前兩隊仍然有機會出線，反而當中實力最強嘅熱刺就唔多樂觀。


熱刺依家得七分排喺Ａ組第三，聽晚作客愛爾蘭沙姆洛克流浪一定要贏之餘，同時要視乎排喺分組榜首嘅兩隊PAOK同魯賓卡山對壘結果，但人哋打和都可以齊齊出線，熱刺睇嚟凍過水，唔理咁多住，今晚先睇Ｋ組富咸主場對奧丹斯，我睇好富咸可以順利出線o架。


Ｋ組川迪已提早出線，剩番排第二同第三嘅富咸同克拉科夫爭一個位，今晚克拉科夫會主場對川迪，原本唔使問克拉科a夫實力唔係對手嗰皮，不過擔心川迪因為早已過關，呢場可能出副選，咁至畀克拉科夫有機會贏波。

吼入球大同「讓球主勝」

富咸今晚對已經畢業嘅奧丹斯，呢隊波「攻不銳、守不穩」，要贏應該唔難。首回合富咸作客丹麥時已經淨勝對手兩球，奧丹斯又出名後防曳，五場歐霸已經失咗十二球，所以呢場我覺得會係入球大之餘，「讓球主勝」都係我心水。