皇馬大炒味濃

猪拉多纳

17/12/2011
文： 法比加輝

巴塞隆拿赴日踢世冠盃，西甲焦點落晒喺皇家馬德里身上！「艦隊」今輪會到訪比斯桑球場出戰西維爾，皇馬喺上輪聯賽不敵巴塞，因而被對手搶走榜首位置，為重奪「一哥」兼做冬季冠軍，皇馬喺歇冬前最後一仗冇得再衰一定全力爭勝，加上要挽回面子，大勝味道濃烈，加輝捧入球大。（now 632周日清晨5時直播）




皇馬喺上輪聯賽再一次被巴塞技術性擊倒，失分事小但面子事大，賽後唔少聲音話皇馬有排都追唔上巴塞水平，球員聽完難免心傷。為求盡快走出傷痛，最佳方法就係贏波搶番個榜首，若然「艦隊」能夠鬥到季尾捧走聯賽冠軍，相信都可以令批評者閉嘴。


失分後態度更進取


事實上，皇馬在周中西班牙盃面對次級球會丙組仔邦弗拉甸拿，依然排出一個有基斯坦奴朗拿度及馬些路等主力嘅星級陣容，反映皇馬輸畀巴塞後鬥心更加強勁，每場賽事都要贏波，務求令自己變得更強，拉近與巴塞差距。其實皇馬未輸畀巴塞之前都算打遍天下無敵手，取得了十五連勝，所以球迷都毋須擔心「艦隊」會大跌Watt，反而失分後更值得撐場。




西維爾近季水準持續下降，主要因為有價有市嘅球員都被球會出售，實力自然難有保證，水平與「西甲雙雄」亦愈拉愈遠。因此皇馬今場攞三分唔難，客勝分頭乏味，建議捧入球大。