富咸專注聯賽3分落袋

猪拉多纳

17/12/2011
文： 自由恒

相比起其他盃仔，歐霸盃都算雞肋中嘅雞肋，雖則係歐洲第二高殊榮，但比賽太多、回報又低，就算好似曼市雙雄做埋種子，亦會遇上阿積士同波圖，完全冇保障。富咸啱啱喺最後一輪分組賽臨天光瀨尿，無緣32強淘汰賽，睇落好似好慘情，實質係除笨有精，專心應付聯賽仲有so。




其實富咸對歐霸盃有幾多誠意，睇吓剛戰出場陣容就一清二楚，幾名常規正選，好似辛德路斯、懷斯、杜夫只列後備，就知決心有限，今晚喺英超主場迎戰保頓，以上3人再加埋喺歐霸盃唔出得嘅射手拜仁雷斯，通通復任正選，實力即時倍增。


保頓近8戰輸7場


保頓喺季初踢過幾場好波，仲力逼過曼城同利物浦，但經過地獄賽程之後居然散晒，連盃賽近8戰輸7場，搞到英超排包尾，雖然論人腳不至於降班，但都係等有明顯反彈先至再諗，今仗正路都係要1.52倍主W。（有線202及302周六晚11:00直播）