山度士巴塞決戰橫濱

猪拉多纳

18/12/2011
文： Mic少

周日晚大戰連場，於日本橫濱舉行的世冠盃決賽打頭陣，南美自由盃冠軍山度士對歐聯盟主巴塞隆拿，今場王者之戰焦點自然落喺雙方球星尼馬及美斯身上，前者被譽巴西最強新星，後者屬於當今球王，兩人勢必使出渾身解數，鬥射術、比腳法、拚盤扭，配合兩隊進攻型戰術，相信會合演一場精彩入球騷，如嫌大盤太熱冇肉食，可揀埋總入球4及5球。（有線61及201台周日晚6時30直播）




「地上最強」巴塞隆拿火力有幾強，已唔需要多講，早前聯賽作客皇馬，都照贏三比一，已說明一切，當今世上實在好難有球隊可以阻佢哋入波。再睇巴塞四強大炒艾薩德四比○，明顯未盡全力，因為主將沙維、法比加斯、丹尼爾及碧基都冇上陣，擺明留力爭冠。




教練哥迪奧拿今仗決賽肯定晒冷，入波能力更有保證，尤其係美斯上仗錯失唔少機會，今次面對尼馬挑戰，絕對唔可以失威，只要呢位阿根廷國腳發威，一人已足以摧毀對手防線，所以就算韋拿受傷長抖，阿歷斯山齊士上陣成疑，對球隊影響並唔大。


強捧總入球「4」、「5」


巴西勁旅山度士身為球王比利母會，傳統崇尚進攻足球，雖然球隊喺剛結束嘅聯賽排第十，但入波數字仲多過冠軍哥連泰斯，前鋒尼馬表現固然光芒四射，拍檔波捷斯亦好搶鏡，並成為巴甲神射手，兩人喺上仗贏柏雷素爾三比一，各建一功。另外，皇馬一直想收購尼馬，如果佢可以射破巴塞大門，皇馬隨時會出更高人工吸引佢。為名為利，尼馬一定大踢身價波。




投X策略方面，入球大僅1.42倍唔太吸引，睇番巴塞今季聯賽有六次出現總入球4球，屬各球數選擇中最多，山度士上季聯賽有七次出現總入球5球，僅次於十次嘅2球，不妨考慮總入球4及5球。