勁信心清脆利落好利佳歡欣星 貝利高仁愛之友至尊飛星新力飛

猪拉多纳

　　今期7草3泥賽事，草地採用C+3欄，普遍唔係咁利追，排檔則不拘。至於泥地賽，由於之前曾進行工程，或有利於前中置跑法之馬。

　　
　　而今期係2011年最終回，預祝讀者們有本有利，順順利利食尾胡，好運帶到去2012年元旦賽。

重心場次　第8場　第三班（80-60分）1400米草地　　

　　「貝利高」重返賀廐，準備一早開始，8月尾放草後，工夫冇停過，11月試大閘仍嫌主動性不足，但12月再試，明顯有好嘅轉變，多操之下紮穩進度。本身係「貪新鮮」一族（對上3季初出獲1W1Q），賀賢唔會錯過今場交代機會，肯做嘢嚟跑，目標必鎖在今場；計分數比上季同期低十幾分及1個班次，唔會冇優越性，如順利放出，喺C+3欄有望帶到。

　　「精彩生輝」此程唔係太大把握，仲要14檔，要好有形勢至有機入P。「新力飛」刻意加程，畀埋最後機會，因暑後確有進步。「至尊飛星」及「天瞳」，剛在此程分列二三名，但今次排晒外檔，早段泊位未必理想。

　　「仁愛之友」對上賽末段衝唔起未感失望，終於增程，係時候睇清楚級數。「自由勝」上賽有貼，喺不利場地追入圍算叻，惟同程能力未必強。

　　「路路好」經常虎頭蛇尾，落班改戰直路賽，係折衷方案。早前試閘末段力騎反應唔係冇，論態不差，希望喺有利跑線令發揮更理想。「飛躍之鋒」1檔，係爭勝絆腳石，計實力則比前駒高。

　　「福至心靈」、「海豚」及「神力金剛」，早前曾一起試大閘，姿態前駒最吸引。「金剛驃」又係與前幾駒齊試閘，尾段反應唔算特別強，不過，試得順已收貨，因一直認為此馬有大量虛分，轉倉正好驗證睇法有冇錯，路短亦先博一注。「勝利大將」成日內閃及難穩定，轉戰直路賽有好冇壞，邊線馬。

　　「超綵」11月有痰後，靜番個幾月先再出，仲試埋閘（沿路在前喼到速度），程序執正晒，應該冇影響到進度。而以佢之前贏馬及翌仗走蝕位仍輸近嘅表現，喺四班此程略超。「捉金」初出有揀，多少係內檔幫到手，但入Q已覺及格，再跟。

　　「嘉綵」係擔心加罩會令佢難留，但如改善到初出兩頭撞嘅走規，有權大幅提升名次。「按得叻」轉配件試閘，跑姿係冇以前咁唔順及少咗斜跑，或足以令佢跑得比前好。「安瑪」及「電訊超星」，成日近，TF腳才考慮。

　　「勁信心」匆出可能係上賽走樣原因（之前6次10日內跑兩場僅1P），當然，騎者一早由二叠轉三叠望空蝕住跑，亦係敗筆。今場唞番3周，又肯換人跑，場地模式也可能受益，有權變身。「清脆利落」及「好利佳」，之前遇前駒，俱有唔錯表現，正路腳。

　　「歡欣星」上場掹掹緊入Q略失望，如果今日唔利追，機會可能打折扣。「生豪」前仗同程末段唔算衝得勁，轉場限近。「龍得風雲」唔係11檔，本有勝望。

　　太多馬冇大長途根據，的確難秤。「得運歡笑」剛仗輸畀「勇先生」及「高友勁」，場地性能可能係關鍵，回到田草未必一樣。至於，後兩駒之中，「勇先生」尚具再跟價值。

　　「更捷勝」此程會比上賽田泥合適，加上3檔可能省腳程。「好球」和「奪錶」，前駒已一再失望，後駒則久唔久有神來之筆，再者，今仗加配備或有助發揮。

　　「鋼志」今場或有足夠步速，令佢後追跑法得以充分發揮，而經1場回一回，如有番前仗入P水準，可爭出頭。「確威星」近兩仗唔係冇走勢，前仗此程大半程三叠蝕，但直路中段仲有兩腳，上場出閘被撞，拉士喺埋欄仍然湧得吓，今賽轉回此程及內檔，條件比前仗還好，或可入圍。

　　「薄荷糖」操練及健康稍有疑問，但有級數，可爭欠穩。「神奇飛龍」試閘好，卻初上1400米，考驗大。「美的人生」大閘表現差，但未知係咪谷草關係，而上賽準備唔正常，發揮差極，隻馬自己肯追，犀利！「財神駕到」試閘主動性比初出之前嗰次好，睇嚟多操及熱身後，進展唔錯。

　　「財運」唔係體力補充唔切的話，轉戰一哩贏面比1800米大。「非常好」排10檔，仲有冇上賽形勢，真係要睇命水。反而預期「安鞍」會有番前仗入P時環境，應可保持水準。

　　「勁飛馳」縮回此程，把握大得多。「俊威威」未必夠班，惟位好及跑法積極，有可能受惠場地偏差。

　　「飛躍之駒」四升三班，以上賽時間和姿態，唔會冇得揮。「巴其利」情況亦一樣，不過，要博馬房有冇打叠嘞！「大家勝利」經常試閘展示良好速度，轉場唔係博博吓（上季尾本已報跑），而究竟係咪分盡，可以睇埋今場。「馬之王」12檔影響唔大，因上仗一樣係全程蝕。「三和之星」與「逸逸友福」，三重彩腳。　　

　　「牛精大師」轉戰此程，性能冇問題（外地直路賽4場全上名），本身速高而排檔好，早段或可咬住好位，形勢着數。「振興中華」及「皇帝法令」，往績準，但各有缺點。

　　「相見歡」回到二班並改跑此程，賽事環境係近仗最好1次。「風之子」唯一優點係13檔，田草性能就普通。

　　「活力飛駒」及「金獅名將」，排檔欠利，限爭三至五名。　

　　「一言為定」上賽有揀，只因有級數及缺課後大閘唔係冇走勢，而落場跑喺1400米入Q，已覺超乎想像，按理復現能力後，轉到此程仲勁。「醒目精英」不可多得好馬，以剛賽取勝過程，坐二望一。

　　「續領風騷」轉谷草只得季軍，其實已失望，暫時進度喺呢個分限爭位置。「沙貝利」跑長途會同中程兩回事，小心出冷。一對輕磅馬「智多飛」與「歡欣滿載」，前駒超輕磅較可取。

馬會賽馬節目主持　洪禮賢