愛華頓新年祝願「細」界和平

猪拉多纳

01/01/2012
文： 自由恒

元旦日英超頭場由西布朗主場迎戰愛華頓，戲碼本身已經麻麻，加上雙方火力都唔勁得去邊，預料都係悶戰一場，最啱就係捧1.7倍入球細。（有線200及300周日晚8:30直播）




愛華頓今季莫財冇錢注入新血，一班舊將亦開始走樣，上季首席射手卡希爾仲未開齋，沙夏又成日受傷，近期就只係得中場奧士文叫做識入波，難怪「拖肥糖」對上10場得1戰入多過2球，最慘係日前回巢嘅美國國腳當路雲要到下場對保頓先可以披甲，相信火力不足問題仍會持續。


西布朗主場頻交白卷


對手西布朗上場雖打破曼場開季場場有波入紀錄，睇落好似好勁，實質佢哋主場戰績其實唔強，踢過9場波先贏得2場，當中有4場仲要冇波入，今日對住同級嘅愛華頓，就算贏或輸都唔意外，但入球偏少係可以預期。




足球重心：西布朗（入球細）




馬膽推介：6場8 翔龍




上仗初戰1600米即以快時間贏馬，最緊要係三匹蹄下敗將「旅遊小子」、「金得意」同「新力多」之後都贏晒，夠級數爭取連捷。