賓菲加抖夠葡聯盃執甘

猪拉多纳

03/01/2012
文： ComboKing

今日繼續有葡萄牙聯賽盃舉行，其中一場B組首輪分組賽由甘馬雷斯主場對賓菲加。甘馬雷斯演出明顯冇上季咁醒神，今次好難再威脅到「Big3」之一嘅賓菲加。實在「Big3」球隊長久以來都統領住葡萄牙各大賽事，並非等閒球隊可以抗衡，今場可留意客W。（周三凌晨4時45分開賽）




賓菲加近況唔錯，聖誕新年假期之前連贏三場，包括以五比一大勝里奧艾維。基於賓菲加今季有份參與歐洲賽，體力消耗相對嚴重，故年尾假期小休對賓菲加有頗大幫助，今次球員叉足電再上征途，有利爭取盃賽勝利。對手甘馬雷斯今季大跌Watt，冇晒上季嘅霸氣，今季贏過嘅對手，亦只不過係幾支下游球隊，面對超晒班嘅賓菲加勢必處於下風。其實今場兩隊強弱懸殊，賓菲加贏面始終較高，客W先揀。




另一場葡聯盃C組首輪賽事由國民隊主場對布拉加，揀選「讓球主勝」。國民隊近四次主場對布拉加未輸過，可謂布拉加剋星。今場布拉加讓波更唔值得博，主隊受讓咁筍捧得過。


國民隊「剋」到布拉加


另外西班牙盃阿爾巴塞特主場對畢爾包，都揀「讓球主勝」。雖說阿爾巴塞特係丙組仔，但既能成功淘汰馬德里體育會，實力差極有個譜。畢爾包向來擅打主場，作客一定打折扣，作客讓波就唔多抵玩。