皇馬決心衞冕鬥志可「加」

猪拉多纳

03/01/2012
文： 朱楓

今晚西班牙盃爆發16強首回合，焦點當然落喺皇家馬德里主場迎戰馬拉加。衞冕冠軍皇馬為準備呢場「富豪大戰」，早喺元旦日已叫晒班球星歸隊練波，戰意爆晒棚，對住有祖亞昆缺陣嘅馬拉加，唔難取得開門紅，就算讓兩球，朱楓都會捧1.95倍「讓球主勝」！（now632台周三清晨5:00直播）




因為西甲歇冬，早排皇馬班球星唔係返家鄉度假就出國玩，不過「銀河艦隊」為迎接嚟緊1月可能要應付一連8場嘅「魔鬼賽程」，原來早喺除夕夜，已叫晒所有球星，包括南美洲嘅戰將歸隊，並喺元旦日展開首課練波。




據西班牙《馬卡報》爆料，皇馬首課操練氣氛輕鬆、帶住新年氣氛，睇嚟C朗等球星都冇因為縮短假期，要提早練波而不滿，有指莫帥仲喺操練中安撫盛傳將離隊嘅卡卡，今晚好大機會搵佢擔正，配合弗爆嘅荷西卡利祖，就算翼鋒迪馬利亞、後衞沙治奧拉莫斯同卡維奴因傷缺陣，根本只係小問題。


馬拉加翼鋒祖亞昆養傷


馬拉加今季獲中東富豪入主，打正旗號要成爭標分子，但到目前為止，表現未達「波士」嘅要求。賽前雲尼斯達萊話好期待今晚倒戈，測試吓球隊實力去到邊，但其實今季開季至今只入得2球嘅「雲佬」，上年10月已帶領過馬拉加喺西甲主場迎戰皇馬，結果最後大敗0:4，反映雙方實力仲有明顯差距，今晚馬拉加仲肯定有右翼祖亞昆倦勤，再加上作客，睇嚟都好難避得開再大敗嘅厄運！


橫數千軍


 皇馬近19戰18勝




‧為上屆西班牙盃盟主。

‧對賽19場比賽18勝1負。

 馬拉加作客對賽7連敗

‧上屆16強慘敗西維爾3:8。

‧近7次作客皇馬全敗。