巴勒莫 拿玻里黑道爭雄

猪拉多纳

08/01/2012
文： 巨高

意大利黑手黨橫行霸道，尤以中南部西西里島陣營（Cosa Nostra）以及那不勒斯陣營（Camorra），於八、九十年代發生大規模衝突，連當地警方亦束手無策。基於兩地黑幫長久以來都明爭暗鬥，兩地人民之間已產生一種敵對心理，地區性鬥爭亦投射到兩間球會巴勒莫以及拿玻里身上。歇冬後首周大戰，巴勒莫將於主場迎戰拿玻里，表面上係一場普通不過嘅意甲足球賽事，但實際上雙方都背負着面子而戰鬥。


盛傳那不勒斯幫會搞事


按照意甲慣例，重頭戲多安排喺尾場，亦即香港時間周一凌晨舉行。而巴勒莫對拿玻里今次被大會安排踢尾場，全因要方便警察作好準備，以防範雙方球迷爆發暴力衝突。意大利人都知西西里島首府巴勒莫屬九反之地，罪案率長期高企。




再講，自從蒙蒂成為意大利總理之後，一直都有行動打擊黑勢力擴張，而上月初捕獲那不勒斯黑幫首腦扎加里亞之後，蒙蒂更發出聲明，話今次係善良人嘅重要日子。故盛傳那不勒斯幫會將會搞大鑊，以對執政者作出抗議，當地警察自然要高度戒備以維持公眾安全。


拿玻里沖喜睇高啲


講番今場比賽，客隊拿玻里有利好消息沖喜，第一係佢哋成功搶贏智利大學天才球星伊度亞度華加斯，第二係中場咸錫剛啱又添丁，球隊上下洋溢着歡樂氣氛，對球員發揮必有幫助，拿玻里讓平半可捧上盤。（now 633及660周一凌晨3時45分直播）