西甲早場華歷簡奴大作戰

猪拉多纳

08/01/2012


行為經濟學當中，有個叫「代表性啟發法」（Represntatives Heuristics）嘅理論，指人類本能思維傾向於無序中搵出一啲秩序，從不規則事件找出規律，但最終就因為呢啲規律，產生過度自信，並作出錯誤嘅決定。




「代表性啟發法」理論由兩名心理學家卡恩曼（Daniel Kahneman）同特韋斯基（Amos Tversky）提出，佢哋成功將心理學研究帶入經濟。卡恩曼更於2002年成為首個心理學家贏得諾貝爾經濟學獎，特韋斯基只因病逝而無法獲獎。


每場波都要獨立分析


特韋斯基指出，許多事情完全係由於隨機或運氣先會相繼出現，但人類就鍾意自行歸納，例如有賭客第一日着牛仔褲入賭場輸錢，第二日換咗西褲就贏，佢就認為西褲帶嚟好運，以後都着西褲賭錢，其實兩樣隨機事件根本冇關係。




理論放喺波盤市場，球迷鍾意將賽果歸納，本能地搵出一啲潛規律，其實「自以為是」，產生過度自信，令投X出現偏差，例如A隊以往唔會出現三場不勝，B隊臨場落飛會贏波等等，事實每場波都係獨立，並冇因果成分。




數據話西甲早場出現細嘅場合較多，但每場波都係獨立，今日頭場華歷簡奴主場對西維爾可以開大，兩軍經過歇冬重新整合，都想頭炮取得開門紅，西維爾有雷恩斯回歸，攻力增強，今場揀大盤。（now 632周日晚7時直播）