畢爾包着火有迪意

猪拉多纳

11/02/2012
文： 山度士

足球屬團隊運動，有時比個人技術更為重要，度士日日都睇住班小朋友學踢足球，發覺有幾位小朋友特別合拍，互相交波嘅次數特別多，縱非每次互傳都可以組織到攻勢，但總係畀到場邊家長或導師一份喜悅，後來度士得知佢哋住埋同一區兼就讀同一間學校，大家見慣見熟又一齊上堂，默契自自然就會建立。

貝迪斯態沉

西甲畢爾包亦有類似情況，球隊一路以嚟揸緊地區宗旨，球員清一色來自巴斯克地區，同聲同氣下踢起嚟特別合拍。畢爾包憑上佳默契，今場有望作客擊敗貝迪斯。（now 632周日清晨5時直播）


除默契外，畢爾包近況都唔錯，自從聯賽一比四不敵皇家馬德里後，球隊已經保持四勝一和不敗佳績，最重要係四場勝利當中有三場都係作客賽事。特別想講吓畢爾包球員阿武列比達，呢位身高達一米九二嘅中堅，毅然放棄代表西班牙資格，轉為代表委內瑞拉出席國際賽，憑着身形優勢，「阿武」今季已取得兩個聯賽入球，狀態托弗下，今場對貝迪斯隨時會再有「士哥」。


貝迪斯已全面回落，連續四場比賽都交唔出好表現，就算有主場之利，度士對佢哋都唔樂觀。


前香港足球先生，畀料同佢做人一樣，百足咁多爪，對唔同聯賽都有興趣。教波同貼波，一樣做阿哥。