森林弱勢點屈人？

猪拉多纳

11/02/2012
文： RICHARD WELBING

各大聯賽進入季尾好戲連場，轉入大直路場場都咁重要，各支球隊為爭標、為護級都大打真軍，所以戰果都轉趨正路，不少大戶都吼準機會大手出擊，總括來說都係贏多輸少。散戶如有心搵餐晏仔，都應該於此時做足功課，應該可以達到目標。




英格蘭足球向來畀人正氣形象，球員落場永無欺場，而且透明度高，投X者可以輕易搵到有用資訊。除英超繼續旺場外，連英冠、英甲都好多人玩，其中英冠更非常受歡迎。今日精選一場推介，諾定咸森林主場對屈福特，根本讓唔起對手。大家有跟開英冠都知，森林本季表現不知所謂，換完領隊仲愈打愈曳，現時長期處於護級區域，近十三場只得一勝，最得人驚係其中十一場冇波入，如此劣績又點會令人有信心。


屈福特當弗受讓筍


有投X者認為，森林如此狀態，今仗仲要讓波，當中是否有景轟？好多散戶其中一個投X弱點，就係諗多咗，英格蘭足球主場威力一向犀利，而森林名氣又響，所以今場要讓波，但以屈福特兩連勝狀態，作客搶到分絕不出奇，個人對「讓球客勝」頗具信心。（周六晚11時開賽）