因傷倦勤無損信心 波叔誓脫二奶命

猪拉多纳

14/02/2012


利華古遜與巴塞歷年交手六次，巴塞取得三勝一和兩負佳績，自從○一年十月起，巴塞三次對利華古遜全部贏晒，明顯有壓倒性優勢。既然巴塞喺西甲已經冇乜運行，料會更集中精神踢歐聯。講開對賽往績，其實○一年雙方於分組賽有過兩次交手紀錄，當時三個球員今日仍在陣中，分別係利華中場波歷克，以及巴塞正副隊長佩奧爾及沙維。




波歷克今場雖然因傷缺陣，但賽前佢就話對球隊好有信心，希望利華古遜可替佢一圓歐聯夢。於○一至○二年球季，利華古遜成功取得歐聯決賽入場券，無奈喺決賽畀皇馬擊敗，搞到波歷克好唔甘心，並從此屢於大賽屈居亞軍，成為「悲劇二奶」，所以「波叔」好希望喺球員生涯結束之前，捧番次歐聯。呢位前德國國腳話巴塞隆拿並非無敵，只要利華能夠上下一心，要淘汰巴塞唔係冇可能。