英冠快車唐卡「+1」反黑

猪拉多纳

14/02/2012
文： 麥馬拿仁

英冠開快車，今晚十二場波一齊開波，最矚目當然係榜首大戰，韋斯咸主場對修咸頓，不過呢類大戰通常緊張而唔精彩，兩隊都有機會贏，投X價值反而唔高，拿仁今日推介另外兩隊畀各位，分別係唐卡士打同埋伯明翰，主場出擊信得過。




（周三凌晨３時45分開賽）




先講唐卡士打主場對黑池，雖然唐卡士打排尾二，護級形勢唔多樂觀，但佢哋出名係地頭蟲，主場一向交到功課，而且專劏強隊，最近先後贏過修咸頓同埋李斯特城，雖然射手比利沙柏已離隊，但仲有迪奧夫壓陣，攻力唔成問題，今仗主場對黑池有得受讓「+1」真係好筍，建議捧「讓球主勝」。


伯明翰弗爆主場添食


另一場伯明翰主場對侯城，拿仁撐伯明翰Ｗ，伯明翰近期真係弗到漏油，升上聯賽第三位，來季大有機會重返英超，自從佢哋唔使兼顧歐霸盃後，喺本土賽事愈戰愈勇，已保持十二場不敗，如果淨係計主場嘅話，佢哋喺本土賽事更係未輸過添。




侯城去年底由班比接手後，成績只係麻麻，隊波最大問題係入球能力不足，尤其係作客嘅入球數字喺英冠僅排尾四，對一支前列球隊嚟講完全唔合格，今仗面對狀態大勇嘅伯明翰，睇怕都惡唔出樣。