小保加強勢回歸「薩」無赦

猪拉多纳

14/02/2012
文： 走肖

南美自由盃6屆冠軍小保加，聽朝喺D組作客FC薩莫拿。今次係小保加闊別兩屆後再戰自由盃，回歸首戰照計唔想失威，更何況薩莫拿只係自由盃初哥，完全係炮灰格，熱捧小保加1.45倍客W有着數。（開賽時間：周三早上8:15）




今日情人節，先祝大家愛情得意、波運亨通。小保加日前喺阿甲開咧戰以2:0解決奧林普，射手施維坦歷治取得跨季近5場聯賽嘅第5個入球。至於初次亮相嘅新援前鋒坦基施華上季幫過沙士菲殺入自由盃4強，上陣9場攻入4球，有佢哋兩個幫手，小保加火力唔使擔心。


FC薩莫拿初戰自由盃


薩莫拿以2011年委內瑞拉秋季冠軍身份，首次進軍自由盃，佢哋嘅射手加比托利斯叫有啲睇頭，都只係件巴拿馬國腳；至於踢過河床、話要教訓小保加嘅中場達里奧費古羅亞，佢有幾多斤両，相信小保加好清楚，假如連達里奧費古羅亞都被嘜死，都幾難有分落袋！


自由盃賽制：


32支球隊分8組進行雙循環分組賽，每組首、次名躋身16強淘汰賽。