「以葡制葡」如意算盤打唔響

猪拉多纳

15/02/2012


辛尼特分組賽「以葡制葡」，憑中場丹尼艾維斯嘅出色表現成功踢走上屆歐霸盃盟主波圖，可惜呢名葡萄牙球星上周操練時重傷將要休息八個月，無論對球會或國家隊嚟講都係一個大打擊。




辛尼特分組賽主場以三比一擊敗波圖，丹尼艾維斯都有份入波，佢嘅受傷直接削弱咗球隊中場組織力。除此之外，意大利後衞基斯薛圖亦因為食物中毒而倦勤，門將馬拉菲夫、中場舒洛哥夫及前鋒拿索域則有傷在身，未知能否上陣。


艾馬續約騷哥利


另一邊廂嘅賓菲加分組賽六戰不敗，今場當然信心十足，「小丑」艾馬剛剛獲球會續約至2013年夏天，一定想用表現去報答球會，另一名阿根廷球員奧斯華度加坦早前盛傳獲曼聯青睞，今場亦要搏盡顯身價。