保羅普巴考牌舞台

猪拉多纳

16/02/2012


曼聯超新星保羅普巴博上位！曼聯主帥費格遜今次帶同廿個猛將出征，其中法國小將保羅普巴亦有隨隊，佢近期獲老費睇重，多番出任後備，呢位新星話自己好弗，希望落場爭取士哥。


老費誓重振青訓名聲


保羅普巴早前對史篤城首次於英超亮相，後備落場傳射皆能，被唔少曼聯球迷捧到上天。呢位小將年僅十八歲，被視為明日之星，早前於預備組對保頓射入奠勝球，賽後佢興奮地表示：「我喺練波成日殺入禁區，依家終於發揮作用，我希望再接再厲爭取更多士哥！」




費格遜早前受訪時話要重振曼聯青訓系統名聲，近期將保羅普巴提升上一隊，今次決定帶埋佢作客阿積士，希望畀呢位小將感受大戰氣氛，若然球隊形勢好，隨時會派佢落場。另外，年輕左閘費耶斯亦係老費重點栽培對象，今場都有隨隊，睇嚟老費真係有心培育啲新星喎！