柏辛域陀尼亞+1開胃

猪拉多纳

16/02/2012
文： Mic少

歐霸盃三十二強首回合，柏辛域陀尼亞主場對史浩克04，捷克球隊柏辛域陀尼亞話晒由歐聯空降，質素唔差，而且呢類歐洲二三線聯賽隊伍對歐霸盃仍然趨之若鶩，爭勝鬥心可能仲高過德甲球隊史浩克04，相信柏軍可以喺自己地頭保不敗，捧+1「讓球主勝」。




（有線63及203台周五凌晨2時直播）


史浩克德甲大過天


柏辛域陀尼亞喺歐聯同巴塞及AC同組，未能出線情有可原。事實上，佢哋喺分組賽整體表現唔錯，主場仲打和過AC，今仗有地利，絕對唔怕史浩克。史軍依家喺德甲排第四，今季目標係爭取下屆歐聯入場券，權衡輕重之下，或會犧牲歐霸盃，留力踢好聯賽。而且就算今場贏唔到，次回合返主場，仲有機會再搏殺，戰意唔及主隊。