史篤城受讓咪錯過

猪拉多纳

16/02/2012
文： SAMVO肥叔

歐霸盃卅二強賽事，英超代表史篤城主場對西甲球隊華倫西亞，華倫名氣較大，但實際級數唔係高好多，今場作客讓波，全因多散飛支持。史篤城主場硬淨，受讓非常有利，下盤有計！（有線64及204台周五凌晨4時05分直播）




華倫現時係西甲三哥，戰績僅次於兩大班霸巴塞隆拿同皇家馬德里，單睇排名似乎甚具分量。不過，華倫分數被榜首雙雄大幅拋離，實際表現並唔突出，大軍作客表現極不穩定，今季一再喺客場搏殺失手，絕對唔係可靠投X對象。


安德列治心雄掃「克」


史篤城向來靠主場搵食，淨係一招高空轟炸已經夠晒威脅，千祈唔好睇小佢哋，受讓盤口有利，下盤值得一試！




同日荷甲名牌球隊阿爾克馬爾主場對比甲勁旅安德列治，計聯賽水平，荷甲稍高於比甲，不過，安德列治今屆喺歐霸盃表現突出，依家已經踢起信心，絕對唔易應付。阿爾克馬爾牌面高啲，但其實冇乜優勢，今場莊家開出主隊讓半球，個盤真係辣咗啲，老老實實，呢場只係五五波，安德列治勢頭好勁，今次有力頂住對手。（周五凌晨2時開賽）




另外，俄羅斯大軍莫斯科火車頭主場對西甲中游分子畢爾包，畢爾包係正宗「主強客弱」球隊，離開主場冇晒惡氣，呢場大部分菠菜公司開緊平手盤，梗係捧火車頭啦！