薩拉戈薩翻生追多鋪

猪拉多纳

20/02/2012
文： 法比加輝

西甲獨腳戲上演薩拉戈薩主場對貝迪斯，包尾大幡薩拉戈薩上場終於解除不勝魔咒，兩球淨勝愛斯賓奴，護級稍現曙光，球員亦有番信心。貝迪斯今季最大問題係不擅作客，近十場作客輸九場，戰績咁「穩定」，平手盤加輝捧主隊。（周二凌晨4時開賽）




薩拉戈薩上輪聯賽終於解除長達接近四個月嘅不勝魔咒，爆小冷門作客擊敗愛斯賓奴，贏波後有十五分，未計今輪賽事，與尾四既CF格蘭納達拉近至十分差距，護級仍未絕望。不過最重要係薩軍球員通過贏波搵番失去已久嘅信心，正如前鋒伊度奧里奧爾賽前透露，解咒後陣內氣氛唔同晒，依家面對任何球隊都唔會驚。軍情方面，薩軍防守大將查維亞柏利迪斯傷愈將可復任正選。


貝迪斯近10作客輸9場


客隊貝迪斯同樣要為護級努力，不過最大毛病「作客驚恐症」仍未覓得解藥，貝迪斯近十場作客輸九場，輸波率高達九成，而呢九場敗仗入面，有六場係輸○比一，比率亦十分之高，值得投X者參考。




其實貝迪斯上周中曾與莫斯科戴拿模踢熱身賽練兵，但最弊兩名主力球員謝法臣蒙迪路及烏斯達列斯都在比賽時勇戰受傷，今場好可能缺陣，加上巴西中場艾恩尼停賽，陣容不整更難認叻。貝迪斯作客輸波率實在太高，平手盤唔需要考慮太多，捧主隊。