拿玻里教練 停賽冇有怕

猪拉多纳

21/02/2012


拿玻里教練馬沙利被罰停賽，今場只能坐喺觀眾席作遙距指揮。馬沙利話自己坐邊度都冇所謂，反正所有準備工作都已經做好晒，根本冇需要再喺場邊指手畫腳提點球員，而且拿玻里球員個個都係「自動波」，落到場就識得點踢，絕對唔會因自己停賽而影響發揮。對於馬沙利唔喺指導區，瑞士中場恩拿話會踢得更輕鬆，查實馬沙利出晒名係「緊張大師」，企喺度睇波都睇到面紅耳熱，球員見到佢咁標晒冷汗都覺得唔好意思。


「車仔勝在歐聯經驗豐富」


最近車路士陣內氣氛不佳，近績又一般，故此唔少人都睇低佢哋，不過馬沙利就話歐聯性質好唔同，所有近績及不利消息都可以不理，特別要留意車路士球員歐聯經驗豐富，少少失誤力足置拿玻里於死地。