韋斯咸扑錘掃黑

猪拉多纳

21/02/2012
文： SAMVO肥叔

英冠前列爭持激烈，韋斯咸目前位列第二，呢班波本身實力好強，整體評級係英冠最高，唔少行家都貼佢哋贏冠軍，經過短暫調整後，可望回氣再上，今次作客黑池有得受讓，個盤非常抵玩，值得一試！




（周三凌晨4時開賽）




韋斯咸降落英冠後保留大部分主力，當中麥克盧保、路蘭及卡頓高爾等人極具分量，踢英超都夠班，球會仲加入好多新血，單計人腳同實力，絕對係英冠最強。韋斯咸整體表現都算穩定，只要餘下賽事發揮正常，應可取得直接升班席位。黑池近況好，但上場盃賽對愛華頓搏得勁，匆匆再戰未必回到氣，讓波唔抵玩。




伯明翰順勢𡁻班士利




同日另一場英冠賽事班士利主場對伯明翰，肥叔睇好客隊贏得！伯明翰經過一輪衝刺後，現時已經重回升班區域，睇番佢哋上場盃賽對住車路士都頂得住，已經可見呢隊波好硬淨。以伯明翰現時氣勢，佢哋具備條件重上英超，今次作客中下游分子班士利，現時要讓波，顯示莊家對佢哋好有信心，有力贏波贏盤！




同日車路士於歐聯作客拿玻里，單計歐洲賽經驗，「車仔」梗係唔輸蝕啦，不過，佢哋班球員唔生性，似乎想逼走教頭保亞斯，踢波士氣好緊要，保亞斯雖然有料，但搞唔掂班兵，真係好擇使，就算有老細撐腰都未必做得長，拿玻里主場惡到暈，今場可秤先。

肥叔心水

莫斯科中央陸軍細

拿玻里上盤

伯明翰上盤

韋斯咸下盤