撐華倫主場再下一「城」

猪拉多纳

23/02/2012
文： 查理阿蛋

外國球迷成日講笑話巴塞要過埋作客史篤城一關，先算真正最強！巴塞就未有機會對史篤城，但華倫西亞喺歐霸盃32強首回合作客史篤城僅贏1球，今晚次回合一定藉主場之利大舉進攻務求大勝晉級，小妹捧2倍「讓主」！（有線61及201周五凌晨2:00直播）




「空中最強」史篤城嘅體力化踢法確係幾得人驚，不過佢哋一到作客就死晒火，今季造訪同為較着重地面控球嘅曼聯、曼城、史雲斯及阿仙奴，都最少輸2球，今鋪作客近9戰主場僅得1敗、地面戰一流嘅華倫，當然係凶多吉少啦！




查實對「蝙蝠軍團」嚟講，喺聯賽嘅任務只係保住歐聯席位，依家穩守第3、拋離第4嘅畢爾包7分，暫時可以將全副心機擺晒落歐霸盃，難怪守將迪艾拔賽前講明次回合唔會手軟：「歐霸盃同歐聯一樣咁重要，首要任務就係淘汰史篤城！」




首回合：華客勝1:0