馬體會拉素合演入球騷

猪拉多纳

23/02/2012
文： 朱楓

雖然西甲球隊馬德里體育會喺歐霸盃首回合作客贏意甲拉素，可惜今晚次回合返番主場卻有兩大主力缺陣，對住有前冇後嘅拉素，朱楓建議轉玩1.82倍入球大較穩陣！（有線64及204周五凌晨4:05直播）




首回合馬體會憑法卡奧梅開二度，加上阿祖安盧比斯建功，反勝有高路斯先開紀錄嘅拉素3:1，今晚只要唔失多過2個作客入球都可出線。不過上屆歐霸盃神射手、今屆已射入5球嘅法卡奧，賽前就叫隊友唔好輕敵。事實上，馬體會今仗的確冇必勝把握，皆因中場馬里奧蘇亞雷斯要停賽，進攻靈魂迪亞高更因傷肯定缺陣。




不過對家拉素亦唔好得幾多，近排防線倒水咁倒，上場作客巴勒莫更慘敗1:5，近4場勁失13球，唯一值得慶幸係球隊已連續10場有波入，預計今晚喺中場莫利可以復出下，必大打進攻足球博收復失地奇迹晉級，入球大好路！




首回合：馬客勝3:1