美斯專剋馬體會 巴塞「讓和」有計

猪拉多纳

26/02/2012
文： Katie

唔知大家有冇聽過羊腸線呢？Katie身邊好多Friends都絞盡腦汁，諗盡各種方法減肥，最近有朋友就話羊腸線好正，呢種穴位植入療法同針灸好似，不過植咗入去嘅羊腸線就唔使拎番出嚟，由佢喺體內分解、吸收，達至減肥效果。呢位朋友已經接受咗成個月療程，早兩日見到佢真係清減咗，係Work喎！




小妹天生命賤，硬係鍾意跑步、跳舞整攰自己，唔出番一身汗都唔安樂，咁樣減法先有成功感同滿足感㗎嘛！對於一班美斯Fans嚟講，上個禮拜睇住佢喺華倫西亞身上食出大四喜都肯定勁滿足、勁興奮，呢位巴塞球王今晚領軍造訪馬德里體育會，睇嚟又係佢嘅Show Time。


歷來13次對賽入17球


點解Katie咁肯定？事關小妹知道美斯係「馬體會剋星」，歷來13次面對呢支馬德里球隊足足入咗17球，當中有14球係嚟自西甲，問你怕未！我都知馬體會近況唔錯，自從施蒙尼接掌之後7場未輸過吖嘛，之不過佢哋近期對住希杭同桑坦德兩支下游分子都失分，走勢似乎有啲跌Watt喎！




咁又難怪嘅，始終哥倫比亞射手法卡奧都係嗰種等波餵嘅球員，側擊力強嘅安東尼奧盧比斯同中場指揮官迪亞高都養緊傷，法卡奧想搵食係艱難啲㗎嘞，考慮到馬體會條防線都尚算穩陣，主場出擊照計唔會輸得太肉酸嘅，一於博巴塞小勝開3.55倍「讓和」。（now632台周一凌晨4:30直播）


Katie推介


巴塞隆拿（讓球和）