拜仁踢到殘入球細抵玩

猪拉多纳

26/02/2012
文： 自由恒

今季德甲冠軍競爭激烈，頭4名彈到甩晒，冠軍無出其右，不過歐洲賽入場券就唔使爭得咁辛苦，事關由來屆開始，德甲嘅歐聯名額會由3席加到4席，所以今晚「三哥」拜仁對「阿四」嘅史浩克聯賽大戰，其實未至於唔係你死就係我亡。由於雙方喺歐戰踢到殘，2.25倍入球細似乎仲抵博。（有線61、64及204周日晚10:30直播）


史浩克剛激戰120分鐘


拜仁連續兩場贏唔到，今晚返到安聯球場，以佢哋近15次主場14勝嘅表現，對住史浩克本來都可以威番鋪，但近期佢哋因兼顧歐戰，罕有地連續兩場食白果，一對翼鋒洛賓同列貝利不在狀態，教練軒歷基斯亦迫於無奈變陣，喺洛賓、列貝利同湯馬士梅拿當中3選2，點知反而愈變愈衰，仲開始激發起更衣室矛盾。




對手史浩克近年同拜仁都互有勝負，首循環交手雖然喺主場輸波，但上屆德國盃就曾作客將對手擯出局，以佢哋歇冬後僅輸1場嘅表現，今仗其實唔係捱打，不過佢哋唔單止比拜仁休息少一日，喺剛過去嘅歐霸盃次回合更打足120分鐘，體力消耗甚大，疲兵作客慕尼黑，恐怕係悶戰一場。


足球重心：拜仁慕尼黑（入球細）


馬膽推介：6場E金剛驃




上場升上4班之後贏馬姿態更輕鬆，同一般高廐馬一樣會keep住有進步，高分自購馬難得重上正軌，肯定會喺季內用盡。