「港女」撐靚仔做足功課

猪拉多纳

29/02/2012


C朗、卡斯拿斯同保方等靚仔球星雲集歐國盃，一眾「港女」自然吼實歐國盃倒數100日呢個大日子啦！香港一班索女𡃁模亦唔例外，佢哋已經做足功課，歐國盃魔力唔講得笑！


 Ivy：德國


今屆德國新星輩出，奧斯爾、「馬里奧」孖寶葛斯同高美斯，一定幫德國贏第四個歐國盃返嚟！


 Elaine：葡萄牙


C朗今季入球停不了，加上有拿尼、比比同干查奧幫手，身處死亡B組一啲都未驚過呀！


 Wiyona：西班牙


西班牙貴為上屆冠軍，陣中仲有靚仔卡斯拿斯同我最鍾意嘅費托，想拎冠軍？問過我哋先！


&#8194inky：西班牙


有法比加斯、恩尼斯達、沙維呢條「地上最強」嘅中場，今屆奪標我最強！


 Scarlett：俄羅斯


A組最強梗係我哋俄羅斯！因為有艾沙維同柏夫里約真高打雙箭頭，一高一矮配合得好。

 Icy：英格蘭

我當然同香港嘅Fans一齊撐英格蘭啦！主力里奧費迪南、謝拉特、林柏特同艾舒利楊格我都一樣咁支持o架！

sonia 法國

梗係全力支持法國啦！因為有拿斯尼、賓施馬同馬隆達呢啲高質素球員，D組首名出線絕冇難度！